საქართველოს განათლებისა და მეცნიერების მინისტრის ხატია დეკანოიძის დადგენილების თანახმად, საქართველოს მთელს ტერიტორიაზე სკოლაში  სასწავლო პროცესი 17 სექტემბერს განახლდება. ამის შესახებ „ინტერნეტ.ჯი“-ს სამინისტროს პრესცენტრში განუცხადეს.

მათი თქმით, სიმართლეს არ შეესაბამება ინფორმაცია,  თითქოს მიმდინარე წლის სასწავლო პროცესი 1 სექტემბერს იწყება.

„არ ვიცი საიდან გავრცელდა აღნიშნული ინფორმაცია, რადგან ბოლო 2 დღეა მშობლები გვიკავშირდებიან და ინფორმაციის გადამოწმებას ცდილობენ. დადგენილების თანახმად, სწავლის პროცესი ტრადიციულად 15 სექტემბერს უნდა დაწყებულიყო, მაგრამ რადგან არასამუშაო დღეებია გადაწყდა, რომ სკოლებში სასწავლო პროცესი 17 სექტემბრიდან აღდგება“,- აცხადებენ განათლების სამინისტროში.

Internet.ge