სსიპ „ბუნებრივი რესურსების სააგენტომ“ ნადირობისთვის დაშვებული გადამფრენი ფრინველების სახეობების ჩამონათვალი, ნადირობის ვადები და დღიური ლიმიტები დაამტკიცა.

წყალმცურავ ფრინველებზე (რუხი ბატი, რუხი იხვი, ჭიკვარა, გარეული იხვი, იხვინჯა, ფართოცხვირა იხვი, მელოტა) - ნადირობა მიმდინარე წლის 1 ნოემბრიდან  2013 წლის 1 მარტამდე დაიშვება. რაც შეეხება მათ დღიური რაოდენობას, 8 ერთეული იქნება.

2012 წლის 15 ოქტომბრიდან  ამავე წლის 15 დეკემბრამდე ტყის ქათამზე ნადირობა იქნება დაშვებული. (დღიური ოდენობა 7 ერთეული).

18 აგვისტოდან 2013 წლის 15 თებერვლამდე დღიურად 5 ერთეულ ჩიბუხაზე ნადირობა იქნება შესაძლებელი. 

მწყერზე ნადირობა  - 2012 წლის 18 აგვისტოდან 2013 წლის 15 თებერვლამდე დაიშვება. (საერთო დღიური ოდენობა 20 ერთეული). ამავე ვადებში არის ქედანზე (საერთო დღიური ოდენობა 10 ერთეული), გარეულ მტრედზე (საერთო დღიური ოდენობა 10 ერთეული), გულიოსა (გვიძინი)  (საერთო დღიური ოდენობა 10 ერთეული) და ჩვეულებრივ გვრიტზე (საერთო დღიური ოდენობა 10 ერთეული) ნადირობაა დაშვებული.

Internet.ge