აღდგომის დღესასწაულზე პრეზიდენტი პატიმრებს შეიწყალებს. ამასთან დაკავშირებით, კომისიის სხდომა ხვალ, 14:00 საათზე, პრეზიდენტის რეზიდენციაში გაიმართება.

ამის შესახებ „ინტერნეტ.ჯი“-ს კომისიის თავმჯდომარემ ელენე თევდორაძემ განუცხადა.

მისი თქმით, ხვალინდელ სხდომაზე, სულ 416 მსჯავრდებულის საქმეს განიხილავენ, რომელთა შორის 71 ქალბატონისა და 9 არასრულწლოვანის საქმეა.

კომისიისგან კი, რეკომენდაციას მხოლოდ ის მსჯავრდებულები მიიღებენ, რომელთაც სასჯელის ნახევარი მოხდილი აქვთ და მსუბუქი და საშუალო სიმძიმის დანაშაულებისთვის იხდიან სასჯელს.

Internet.ge