დღეს, სოფლის მეურნეობის სამინისტროში სურსათის ეროვნული სააგენტოს ხელმძღვანელმა დავით კობერიძემ ბრიფინგი გამართა, სადაც სახელმწიფო პროგრამის ფარგლებში ჩატარებული პირუტყვის უფასო ვაქცინაციის შედეგები შეაჯამა.

1-ელი აგვისტოდან სოფლის მეურნეობის სამინისტროს სურსათის ეროვნულმა სააგენტომ ცხოველთა განსაკუთრებით საშიში დაავადების - თურქულის პროფილაქტიკური ვაქცინაცია დაიწყო. მთელი ქვეყნის მასშტაბით დაგეგმილია 922,330 სული მსხვილფეხა პირუტყვის აცრა.

ამ ეტაპზე აცრილია 58,066 სული ცხოველი.  ვაქცინაციის სახელმწიფო პროგრამის ფარგლებში დასაქმდა 672 კერძო ვეტერინარი. ვაქცინაციასთან ერთად ცხოველთა იდენტიფიკაციის პროცესიც მიმდინარეობს.

ცხოველი იცრება მაღალი ხარისხის ფრანგული წარმოების ვაქცინით, რომელიც უსაფრთხოა ცხოველის ჯანმრთელობისათვის. ასევე უსაფრთხოა ცხოველისაგან წარმოებული პროდუქციაც (რძე, ხორცი).

internet.ge