თბილისში, მოსკოვის გამზირზე 6 500 კვ.მეტრ ფართობზე ასფალტის საფარის კაპიტალური დაგება მიმდინარეობს. ამასთანავე, კეთდება ბეტონის ბორდიურები. საგზაო სამუშაოების დასრულების შემდეგ მიმდებარე ტერიტორიაზე დაგეგმილია   დასასვენებელი სკვერის მოწყობა. სკვერში დამონტაჟდება ახალი სკამები და საბავშვო ატრაქციონები.

ისანი-სამგორის  რაიონში მიმდინარე სამუშაოები დღეს თბილისის მერმა გიგი უგულავამ დაათვალიერა და ადგილობრივ მოსახლეობას შეხვდა.

საგზაო ინფრასტრუქტურის მოწესრიგება თბილისის მასშტაბით მიმდინარეობს. ქალაქის ყველა რაიონში შიდა კვარტალური გზების რეაბილიტაცია ორი წლის განმავლობაში დასრულდება, რაც მოსახლეობის შეუფერხებელ გადაადგილებას უზრუნველყოფს.

Internet.ge