კომპანია "ენერგო პრო ჯორჯია" განცხადებას ავრცელებს, სადაც ნათქვამია, რომ 15, 16 და 17 აგვისტოს სარეაბილიტაციო სამუშაოების გამო, 9–დან 18 საათამდე დენის მიწოდება შეეზღუდება მესტიის რაიონის 8- სოფელს: ხაიშს, ლახამულას, საგერგილას და კიდევ მიმდებარე 5 სოფელს, საერთო ჯამში 952 აბონენტს.

15 აგვისტოს, 12–დან 18 საათამდე, ასევე შეეზღუდება ელექტროენერგიის მიწოდება ბოლნისის რაიონის სოფლებს: კუდროს, სავანეთს, ტალავერს და მიმდებარე 8 სოფელს, საერთო ჯამში 4 ათას 707 აბონენტს.

15 აგვისტოს, 11–დან 13 საათამდე ასევე დაგეგმილია სარეაბილიტაციო სამუშაოების ჩატარება რაჭაშიც, შედეგად დენი შეეზღუდება ამბროლაურის რაიონის სოფლებს: ურავს, ლიხეთს და აბარს. ონის რაიონის სოფლებს: სორს, ფარახეთს, მრავალძარს, სარდონეთს და ჭიბარევს, საერთო ჯამში ათას აბონენტს.

16 აგვისტოს კი, 12-დან 18-ტ საათამდე ელექტროენერგიის მიწოდება შეეზღუდება ქარელის რაიონის სოფლებს რუისს, ურბნისს, ბებნისს და ქარელის ნაწილის 2 ათას 220 აბონენტს.

ამავე დღეს, 11-დან 18 საათამდე შეიზღუდება თეთრიწყაროს რაიონის სოფლები: მარაბდა, ქოთიში, მზიანეთის აგარაკები, დიდი და პატარა დუნუქი და ხაიში, საერთო ჯამში 340 აბონენტი.

17- აგვისტოს, 12–დან 18 საათამდე დენი გაეთიშება გორის რაიონის ბოშურის ხეობის 6 სოფლის 495 აბონენტს, წალკის რაიონის 14 სოფლის ათას 355 აბონენტს და ნინოწმინდის რაიონის 25 სოფლის 6 ათას 641 აბონენტს. 17 აგვისტოსვე, 12-დან 14 საათამდე ასევე დენის მიწოდება შეეზღუდება მთლიანად სამტრედიის რაიონის 17 ათას აბონენტს.

internet.ge