info9.com.ge-სთან ინტერნეტ ტელევიზია ‘’ITV"-ის არანაირი კავშირი არ გააჩნია. აღნიშნული განცხადება ინტერნეტ მედია ჯგუფმა მას შემდეგ გააკეთა, რაც ივანიშვილის კუთვნილმა მედია საშუალებებმა ტელეკომპანია ‘’რეალ TV"-სა და ინტერნეტ ტელევიზია ‘’ITV"-ის ‘’ინფო9"-ის იდენტური საიტის შექმნა დააბრალეს.

‘’ITV" მიიჩნევს, რომ აღნიშნული უსაფუძვლო ბრალდება მეოცნებეების კუთვნილმა ჟურნალისტებმა საკუთარი თავის გაპიარების მიზნით გააჟღერეს.

‘’ინფო9"-ის ცილისწამებას რამდენიმე წუთის წინ ‘’რელ-TV"-იც გამოეხმაურა.

„რეალ TV“-ის ადმინისტრაცია ცალსახად აცხადებს, რომ მსგავსი მასალა რაც info9.com-ზეა გამოქვეყნებული არ არის “რეალ TV"-ის მოპოვებული და ამ ვებ-გვერდთან ტელეკომპანია ‘’რეალ TV"-ის არავითარი კავშირი არ აქვს.

უფრო მეტიც, ჩვენ ვეჭვობთ: ლუბა ელიაშვილი, იმ მიზნით, რომ ბიძინა ივანიშვილს რაც შეიძლება მეტი ფული გამოსძალოს, ამ ხერხით ცდილობს ოლიგარქის დარწმუნებას, თითქოს მის ვებ-გვერდს ებრძვიან და შეიქმნა ანალოგი, სადაც ივანიშვილზე ათასი სიბინძურეა ატვირთული, როგორც ჩანს სტილი ამჯერადაც დაცულია და ეს კვლავ ლუბა ელიაშვილის შევარდნაძისდროინდელი ფანდებია.

ნათქვამია ‘’რეალ TV"-ის განცხადებაში.

Internet.ge