საქართველოს პრეზიდენტი ბახმაროში გამართულ დოღს ოჯახთან ერთად დაესწრო. დოღში ფოთელმა ახალგაზრდა ქალბატონმა გაიმარჯვა, რომელსაც მიღწეული შედეგი პირველმა ლედიმ მიულოცა.

მიხეილ სააკაშვილი ბახმაროში დილიდან იმყოფება, მან მოსახლეობას უკვე მიმართა და აღნიშნა, რომ კურორტი მალე მსოფლიო დონის დასასვენებელი კომპლექსი იქნება.

„ბახმაროში სამი დიდი სასტუმროს მშენებლობაა დაგეგმილი, რაც მოსახლეობის დასაქმებას შეუწყობს ხელს. ჩვენ ყველა ადამიანს საკუთარი ბიზნესის წარმოებაში ხელი უნდა შევუწყოთ, რომ დამოკიდებული არ იყოს სახელმწიფოს დახმარებაზე“,- განაცხადა სააკაშვილმა და გურულებს საოჯახო ბიზნესის კეთებისკენ მოუწოდა.

„ბახმაროს შესახებ დღეს ცოტამ თუ იცის, მაგრამ აქ გასართობი და დასასვენებელი კომპლექსების მშენებლობის შემდეგ ყველა ჩამოვა. მალე, ბახმარო მსოფლოს მასშტაბით ერთ-ერთი საუკეთესო კურორტი იქნება“,- დასძინა სააკაშვილმა.

Internet.ge