"რეალ TV"-ის ჟურნალისტი რუსუდან ჯიქია "ღია დემოკრატიის კომიტეტის" პრესკონფერენციის პროტესტის ნიშნად დატოვების მიზეზებზე საუბრობს და აცხადებს, რომ მან მოქალაქეობრივი პოზიცია დააფიქსირა.

„ახსენეთ პოპულარული ქართველი ფეხბურთელი კახა კალაძე, რომელმაც დაკარგა პოპულარობა მას შემდეგ, რაც საკუთარ კარში ორი გოლი გაიტანა. ის დააჯარიმეს როგორც პოლიტიკოსი და არა  როგორც ფეხბურთელი. ბიძინა ივანიშვილს შემოკრებილი ჰყავს შევარდნაძის დროინდელი სახეები, რომლებიც უშუქობასთან, უსამართლობასთან ასოცირდებიან. ამასთან თქვენ არაფერი გითქვამთ ბიძინა ივანიშვილისა და ნინო ბურჯანაძის შეხვედრაზე, ბურჯანაძე კი ყველამ ვიცით, რომ პუტინის პროექტია. მე ჟურნალისტი ვარ, მაგრამ ასევე ამ ქვეყნის მოქალაქე ვარ და წარსულში დაბრუნება არ მინდა, არ მინდა ჩემი შვილი იზრდებოდეს წარსულის საქართველოში, ამიტომ ვტოვებ თქვენ პრესკონფერენციას“, - განაცხადა დღეს რუსუდან ჯიქიამ "ღია დემოკრატიის კომიტეტის" პრესკონფერენციაზე.

პრესკონფერენციის დასრულების შემდეგ კორესპოდენტმა, საკუთარი ტელევიზიის ჩართვაშიც იგივე გაიმეორა და აღნიშნა, რომ "ღია დემოკრატიის კომიტეტის" თავმჯდომარე - ტერი ბენჰემი თავის შეფასებებში არაობიექტური იყო.

internet.ge