აზერბაიჯანულმა მედიამ სენსაციური ინფორმაცია გაავრცელა ქვეყნის პრეზიდენტზე ილჰამ ალიევსა და მის სიძეზე მომღერალ ემინ აგალაროვზე თავდასხმის მცდელობის შესახებ.

როგორც საინფორმაციო საშუალებები სამართალდამცავ წყაროებზე დაყრდნობით იუწყებიან,  თავდასხმა მიმდინარე წლის 20 აპრილს იგეგმებოდა, იმ დღეს, როცა პრეზიდენტის სიძე ‘’ევროვიზია-2012"-ის კონცერტზე უნდა გამოსულიყო ნაციონალურ პარკში. ყველასათვის ცნობილი იყო, რომ ღინისძიებას ილჰამ ალიევი და მისი ოჯახის წევრებიც უნდა დასწრებოდნენ.

პრეზიდენტის უსაფრთხოების სამსახურმა, ნაციონალური უსაფრთხოების სამსახურმა და შსს-მ ოპერატიულ-აგენტურული მონაცემების გაანალიზების შემდეგ პრეზიდენტს რეკომენდაცია მისცეს, არ წასულიყო კონცერტზე, თუმცა ალიევი ნაციონალურ პარკში მაინც მივიდა.

ძალოვნებს შემუშავებული ჰქონდათ ტერორისტთა ჯგუფის ლიკვიდაციის გეგმა, რომლის ფარგლებშიც მოხდა კიდევ სნაიპერების დაკავება, რომლებიც ცეცხლის გახსნას პრეზიდენტის მიმართულებით 16-სართულიანი სახლიდან და სატელევიზიო ანძის ახლომდებარე მაღლივი შენობიდან გეგმავდნენ. მათვე უნდა მოეკლათ ალიევის სიძეც.

ამჟამად მიმდინარეობს ტერაქტის ორგანიზატორებსა და დამკვეთების ვინაობის დადგენაზე მუშაობა. თავად თაკავებულები უარს ამბობენ ჩვენების მიცემაზე და ამბობენ, რომ ერთმანეთსაც კი არ იცნობენ.

internet.ge