„ლეიბორისტული პარტიის“ წევრის, სოსო შატბერაშვილის შეფასებით,  მისი პარტიის ლიდერი, შალვა ნათელაშვილი "მედია პალიტრას“ ბოდიშს არ მოუხდის.

როგორც "iTV"-ში, გადაცემა "კითხვის ნიშანში" სტუმრობისას, შატბერაშვილმა განაცხადა, ნათელაშვილი მართალია და ბოდიშს არ მოიხდის, რადგან „პალიტრა“ 102-ე სკოლის შენობაშია განთავსებული, საიდანაც ბავშვები და მასწავლებლები გამოდევნეს.

„ამ სკოლაში, მე ვსწავლობდი. პრესას გუშინ დოკუმენტი წარვუდგინე, თუმცა, ამის საპირისპიროდ, „პალიტრაში“ გამაბათილებელი მასალა გამოქვეყნდა, თითქოს, მე ვტყუი, მაგრამ თუ ტყუილს ვამბობ, ჩვენ  საჯარო რეესტრიდან ცნობას ამოვიღებთ. შოვის ქუჩაზე, #2-ში სკოლა იყო განთავსებული, საიდანაც ბავშვები გამოდევნეს“, - დასძინა მან.

შატბერაშვილმა "მედია პალიტრასა“ და ბიძინა ივანიშვილის თანამშრომლობაზეც ისაუბრა და განაცხადა, რომ ივანიშვილი „პალიტრის“ დამფინანსებელია.

„კონტროლის პალატის მონაცემები გამოქვეყნდა, სადაც დაფინანსებულთა შორის  „პალიტრაა“ და ამას არცერთი მხარე არ უარყოფს, მაგრამ ესენი ამბობენ, რეკლამის თანხა არისო. თუ ადამიანს თანხას აჩუქებ, რასაც გინდა იმას დაარქმევ. ივანიშვილი პირდაპირ აცხადებს, რომ ფული ჩემია და სადაც მინდა იქ დავხაჯავო“, - განაცხადა შატბერაშვილმა.  

Internet.ge