ფილარმონიის მიმდებარე ტერიტორიაზე სოლიდარობის აქცია გრძელდება. ცოტა ხნის წინ აქციის მონაწილეებმა კოსტავას გამზირის გადაკეტვა სცადეს, თუმცა ამის საშუალება მომიტინგეებს ადგილზე მობილიზებულმა სამართალდამცავებმა ცოცხალი ჯაჭვის გამოყენებით არ მისცეს.

იუსტიციის მინისტრის მოადგილე თინა ბურჯალიანი პარიზში კონსულტაციებს მართავს. მისი თქმით, ფრანგმა სამართალდამცველებმა ქართულ მხარეს ინფორმაცია მიაწოდეს, იმ გამოძიებასთან დაკავშირებით, რომელსაც ეროვნული ჟანდარმერია აწარმოებს.

ცოტა ხნის წინ, იუსტიციის სახლის მიმდებარე ტერიტორიაზე შინაგან საქმეთა მინისტრის მოადგილე შოთა ხიზანიშვილი მივიდა, როგორც მან ჟურნალისტებთან საუბარში განმარტა, პოლიციის მობილიზება წესრიგის დაცვის მიზნით მოხდა.

როგორც „ინტერნეტ.ჯი“-ს შს სამინისტროს საზოგადოებასთან ურთიერთობის სამსახურის ხელმძღვანელმა სალომე მახარაძემ განუცხადა, კოლმეურნეობის მოედანზე მხოლოდ პატრულის თანამშრომლები იმყოფებიან.

სახალხო დამცველის ინფორმაციით, 22 სექტემბერს რუსთავის # 6 საპყრობილეში მოთავსებულმა პატიმრებმა: ლაშა კვანტალიანი და ბესიკ იობიძე, პროტესტის ნიშნად, საკერავი ძაფით ზედა კიდურებით ერთმანეთს მიეკერენ, ხოლო დანარჩენმა ოთხმა მსჯავრდებულმა საკერავი ძაფით თავისი ზედა კიდურები საწოლზე მიიკერეს.

ამ წუთებში სტუდენტები საპროტეტსო აქციას ახლად გახსნილ იუსტიციის სახლთან მართავენ. სტუდენტები სკანდირებენ, „სისტემა უნდა დაინგრეს“ და საპროტესტო აქციას სტვენის ფონზე მართავენ.

საქართველოს ახალგაზრდა იურისტთა ასოციაციამ წინასაარჩევნო პერიოდის მონიტორინგის მეორე შუალედური ანგარიშის პრეზენტაცია წარმოადგინა. ანგარიში მოიცავს 2012 წლის აპრილიდან ივლისის ჩათვლით განხორციელებული მონიტორინგის შედეგებს.

სტუდენტები საპროტეტსო გამოსვლას თავდაცვის სამინისტროს წინ მართავენ, სადაც მათ საკუთარი მოთხოვნები წამოაყნეს. როგორც აქციაზე აღინიშნა სტუდენტები მოითხოვენ, დაისაჯოს ყველა ის პირი, რომლებმაც პატიმრების შემზარავ წამებაში მიიღეს მონაწილეობა.

სახალხო დამცველის სპეციალურმა პრევენციულმა ჯგუფმა საგანგებო მონიტორინგი განახორციელა რუსთავის N16 სასჯელაღსრულების დაწესებულებაში, სადაც შეხვდა და გაესაუბრა იქ განთავსებულ პატიმართა დიდ ნაწილს.

როგორც უნივერსიტეტის მიმდებარე ტერიტორიაზე გამომსვლელებმა აღნიშნეს, სტუდენტები თავდაცვის სამინისტროს შემდეგ იუსტიციის სამინისტრის მიმართულებით გაემართებიან, სადაც მიმდინარე მოვლენებს გააპროტესტებენ.

ამ წუთებში სახელმწიფო უნივერსიტეტის პირველ კორპუსთა, სადაც სტუდენტების აქცია მიმდინარეობს, ახალგაზრდებს შორის დაპირისპირება მოხდა. სტუდენტთა ნაწილის პროტესტი „ლაბორატორია 1918“-ის წარმომადგენლების ქმედებებმა გამოიწვია, რომლებმაც სხეული განზრახ დაიზიანეს.