22 მაისს, თბილისის მერიის კულტრული ღონისძიებების ცენტრის მხარდაჭერით, დედაქალაქს ლატვიის ფოლკლორისა და ცეკვის ანსამბლი „დრუვა“ ეწვევა. ის ქართველ მაყურებელს საკონცერტო პროგრამას შესთავაზებს, რომელშიც შევა ლატვიური ხალხური და შემოქმედებითი ცეკვები - „სალდუს მთის წვერზე“, „აი, როგორ ვცხოვრობთ“, „მხიარულმა ვიცხოვრო“.

„დრუვა“ , რომელიც უკვე 60 წელია მოღვაწეობს,  მონაწილეობას იღებს ლატვიის სიმღერისა და ცეკვის ფესტივალში, ასევე, პოპულარიზაციას უწევს ლატვიური კულტურის ღირებულებებსა და ტრადიციებს საზღვარგარეთის ქვეყნებში: ბულგარეთი, დანია, იტალია, ესპანეთი, რუსეთი, ნორვეგია, ლიტვა, ესტონეთი, საბერძნეთი, ბელგია და სხვ.

ანსამბლის ვიზიტი თბილისში 6 დღეს გაგრძელდება და 28 მაისამდე გასტანს.

Internet.ge