იტალიელმა მკვლევრებმა მიქელანჯელო მერიზის, რომელიც კარავაჯოს სახელითაა ცნობილი, აქამდე უცნობი 100-ზე მეტი ნამუშევარი აღმოაჩინეს. ნახატები მილანში, სფორზას ციხე-კოშკში იპოვეს.

როგორც მკვლევრებმა მაურიციო ბერნარდელი კურუზმა და ადრიანა კონკონი ფედრიგოლიმ განაცხადეს, სულ აღმოჩენილია სიმონე პეტერცანოს მოსწავლეთა 1378 ნამუშევარი. სწორედ ამ მოსწავლეთა შორის იყო კარავაჯოც, რომელიც პეტერცანოსგან გაკვეთილებს 1584-1588 წლებში იღებდა, სანამ 18 წლის გახდებოდა და რომში წავიდოდა.

„ეს ნამდვილად რევოლუციური აღმოჩენაა კარავაჯოს შემოქმედების შესწავლის თვალსაზრისით,“ - აცხადებენ მეცნიერები, რომლებიც მათი კვლევის შედეგების ორ ელექტრონულ წიგნად გამოშვებას გეგმავენ. მათი აზრით, ეს ნამუშევრები მკვლევრებს კარავაჯოს ოსტატობის საიდუმლოს გახსნაში დაეხმარება.

მიქელანჯელო მერიზი და კარავაჯო (1570-1610) - იტალიელი მხატვარია, რომელმაც XVII საუკუნის ევროპულ ფერწერაში რეალისტურ მიმდინარეობას დაუდო სათავე. მისი ფრესკები და ნახატები მსოფლიო შედევრებად ითვლება.

აღმოჩენილი ნამუშევრების საერთო ფასმა შესაძლოა 700 მილიონ ევროს მიაღწიოს.

internet.ge