ცნობილი ამერიკელი მსახიობები - რონ პერლმანი, სარა დიუმონტი, მალკოლმ მაკდაუელი და ჯორჯ ფინი - კინოალმანახის „თბილისი, ჩემი ქალაქი“ გადაღებებში მიიღებენ მონაწილეობას. ამის შესახებ Deadline იუწყება.

დავით აგიაშვილის პროექტში 12 განსხვავებული ისტორია შევა, რომელთაც ქართველი რეჟისორები გადაიღებენ. 

რონ პერლმანი ამერიკელი მოტოციკლეტისტის როლს ითამაშებს, რომელიც თბილისში ქალის, სახელად Freedom (თავისუფლება), თანხლებით მოგზაურობს. პერლმანის მეწყვილე ე.წ. შორთფილმში  სარა დიუმონტი იქნება.

მალკოლმ მაკდაუერი იმ მსახიობის როლს მოირგებს, რომელიც თბილისში გადაღებებზეა ჩამოსული. მას თავდაპირველად საქართველოს დედაქალაქი არ მოსწონს, მაგრამ რაც უფრო მეტ დროს ატარებს აქ, უფრო მეტად იზიდავს ეს ქალაქი. 

ფილმში „თბილისი, ჩემი ქალაქი“, სავარაუდოდ, დოკუმენტური მასალებიც შევა. სურათის ეკრანებზე გამოსვლა 2013 წელს იგეგმება.

internet.ge