ეთნოგრაფიულ მუზეუმში ფესტივალ "არტ-გენის" დასკვნითი ნაწილი გაიხსნა. ფესტივალი ხალხური რეწვის ნიმუშებისა და ხელნაკეთი ნივთების გამოფენით დაიწყო.
მთელი დღის განმავლობაში ეწყობოდა ხალხური სიმღერებისა და რეწვის მასტერკლასები, ქართული საბრძოლო ხელოვნების წარმოდგენები.
ფესტივალის პირველი დღე მუზეუმის ამფითეატრის სცენაზე კონცერტით დასრულდა. სცენაზე ერთმანეთს გურიის, კახეთისა და ფოთის ფოლკლორული სიმღერისა და ცეკვის ანსამბლები ენაცვლებოდნენ.
საღამო ჯგუფ "ხიდისა" და მალიდან ფესტივალის სპეციალური სტუმრის აბუ დიარას გამოსვლით დასრულდა.
"არტ-გენი" წელს უკვე მეცხრედ ტარდება. ფესტივალში საქართველოს ყველა კუთხის წარმომადგენელთან ერთად მონაწილეობას იღებენ მსოფლიოს 10 ქვეყნიდან ჩამოსული ანსამბლები.
"არტ-გენი" დღესაც საინტერესო პროგრამას სთავაზობს სტუმრებს. მთელი დღის განმავლობაში არაერთი ღონისძიება გაიმართება.
ფესტივალი 29 ივლისს დასრულდება.
internet.ge
