საქართველოს სტატისტიკის ეროვნული დეპარტამენტის მიერ გამოქვეყნებული წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2012 წლის II კვარტალში 219 მლნ. აშშ დოლარი შეადგინა, რაც 7  პროცენტით აღემატება 2011 წლის II კვარტალის წინასწარ მონაცემებს.

რაც შეეხება წლის პირველი ნახევრის მაჩვენებელს, წინასწარი მონაცემებით, პირდაპირი უცხოური ინვესტიციების მოცულობამ 2012 წლის პირველ 6 თვეში 488 მლნ. აშშ დოლარი შეადგინა, რაც 29 პროცენტით აღემატება 2011 წლის პირველი ნახევრის წინასწარ მონაცემებს.

2012 წლის II კვარტალში საქართველოში განხორციელებული პირდაპირი უცხოური ინვესტიციების მიხედვით ძირითადი ინვესტორი ქვეყნების პირველ ხუთეულში შედიან  ნიდერლანდები, აშშ, აზერბაიჯანი, ლუქსემბურგი, გაერთიანებული სამეფო და იაპონია.

პირდაპირ უცხოური ინვესტიციებში მოწინავე სექტორებია: ენერგეტიკა, ტრანსპორტი და კავშირგაბმულობა, დამამუშავებელი მრეწველობა, საფინანსო სექტორი, სასტუმროები და რესტორნები, უძრავი ქონება.

Internet.ge