საქართველოს პრეზიდენტის, მიხეილ სააკაშვილის შეფასებით, 2008 წლის შემდეგ, საქართველო გადარჩა და ვითარდება.

როგორც თავდაცვის სამინისტროს დაქვემდებარებაში მყოფ საწარმო „დელტაში“ ყოფნისას პრეზიდენტმა განაცხადა, ასევე, ვითარდება ქვეყნის ეკონომიკაც, რომელიც შარშანდელთან შედარებით 7%-ით გაიზარდა.

მიხეილ სააკაშვილის თქმით, საქართველოს ეკონომიკა წელს 8-9 %-ით გაიზრდება,  მომავალი წლიდან კი, მინიმალური ზრდა ყოველწლიურად მინიმუმ 10%-ი იქნება.

„ომის დაწყების შემდეგ რამდენიმე თვე დავრჩით იარაღის მოწოდების გარეშე, რადგან ყველამ ჩათვალა, რომ ჩვენ აღარ ვიარსებებდით და ეს ფაქტი საერთაშორისო თანამეგობრობის 90%-მა დაიჯერა. ყველამ ჩათვალა, რომ რუსეთის შემოსვლის შემდეგ მთავრობა გაიქცეოდა, მაგრამ ყველამ, ვინც ასე ფიქრობს ცივი წყალი დალიოს. საქართველო გადარჩა და ვითარდება“,- განაცხადა სააკაშვილმა.

მისი თქმით, ქვეყანა ამჟამად ძალიან მნიშვნელოვან ეტაპზე იმყოფება და ვითარდება.

internet.ge