2012 წლის იანვარ-აგვისტოში საქართველოს საგარეო სავაჭრო ბრუნვამ 6649 მლნ. აშშ დოლარი შეადგინა, რაც წინა წლის მაჩვენებელზე 16 პროცენტით მეტია. აქედან ექსპორტი 1552 მლნ. აშშ დოლარს შეადგენს (13 პროცენტით მეტი), ხოლო იმპორტი – 5096 მლნ. აშშ დოლარს (16 პროცენტით მეტი). რაც შეეხება საქართველოს უარყოფით სავაჭრო ბალანსს, 2012 წლის იანვარ-აგვისტოში 3544 მლნ. აშშ დოლარი და საგარეო სავაჭრო ბრუნვის 53 პროცენტი შეადგინა.

საგარეო ვაჭრობამ  ევროკავშირის ქვეყნებთან 1808 მლნ. აშშ დოლარი (23 პროცენტით მეტი), ხოლო დსთ-ის ქვეყნებთან – 2067 მლნ. აშშ დოლარი შეადგინა (9 პროცენტით მეტი) შეადგინა.

2012 წლის იანვარ-აგვისტოში ათი უმსხვილესი სავაჭრო პარტნიორის წილმა საქართველოს მთლიან საგარეო სავაჭრო ბრუნვაში 66% შეადგინა. უმსხვილესი სავაჭრო პარტნიორებია თურქეთი (1021 მლნ. აშშ დოლარი), აზერბაიჯანი (814 მლნ. აშშ დოლარი) და უკრაინა (480 მლნ. აშშ დოლარი).

სასაქონლო ჯგუფებიდან საექსპორტო ათეულში პირველი ადგილი (მთელი ექსპორტის 24 %)  მსუბუქმა ავტომობილებმა დაიკავა და 369 მლნ. აშშ დოლარი შეადგინა. ფეროშენადნობების ექსპორტი უდრიდა 179 მლნ. აშშ დოლარს, ხოლო მესამე ადგილზე კვლავ აზოტოვანი სასუქების ჯგუფი დაფიქსირდა.

Internet.ge