შემოსავლების სამსახური პროექტს - „ჩეკების გათამაშებას“ იწყებს. დღეიდან მთელი საქართველოს მასშტაბით, ნებისმიერი შესყიდვისას მიღებული ჩეკი გათამაშებაში მონაწილეობს. გათამაშდება 10, 20, 50, 100, 10 000 და 50 000 ლარიანი მოგებები.

შემოსავლების სამსახურის ინფორმაციით, ჩატარდება ყოველდღე გათამაშება.

თითოეულ ჩეკზე მითითებულია ორი უნიკალური კოდი: ექვსნიშნა კოდი – შტრიხკოდის ზედა მარცხენა კუთხეში და რვანიშნა კოდი – ქვედა მარცხენა კუთხეში, "DY" –ის გასწვრივ,  გათამაშებაში მონაწილეობის მისაღებად, საჭიროა ჩეკზე მითითებული ორივე უნიკალური კოდის შემოწმება.

ჩეკის კოდების შემოწმება შესაძლებელია: მობილური ტელეფონიდან შეტყობინების გაგზავნით ნომერზე *200# (ჯეოსელისა და მაგთის აბონენტებისთვის), სწრაფი გადახდის აპარატით (TBC PAY ან PAY BOX) WWW.RS.GE–ზე განთავსებულ სპეციალურ ფორმაში კოდის შეყვანით.

ჩეკის კოდების გადამოწმების შედეგად კი, შეიტყობთ მოიგეთ თუ არა თანხა;

ჩეკის მომგებიანობის შემოწმება შესაძლებელია შესყიდვიდან 90 დღის ვადაში;

თითოეული ჩეკი გათამაშებაში  მხოლოდ ერთხელ მონაწილეობს.

მოგებული თანხის განაღდება შესაძლებელია მოგებიდან 30 დღის ვადაში, "ლიბერთი" ან "კორ სტრანდარტ ბანკის" (KSB) ნებისმიერ ფილიალში. თანხის მისაღებად სავალდებულოა მოგებული ჩეკისა და პირადობის მოწმობის წარდგენა.

internet.ge