დღეს, საქართველოს რეგიონული განვითარებისა და ინფრასტრუქტურის მინისტრი დავით ნარმანია, თურქეთის საგანგებო და სრულუფლებიან ელჩს საქართველოში ლევანტ მურათ ბურჰანს შეხვდა. შეხვედრა გაცნობითი ხასიათის იყო. 

სამინისტროს ინფორმაციით, მინისტრმა და ელჩმა ქვეყნებს შორის ორმხრივ ურთიერთობებსა და იმ პროექტების შესახებ ისაუბრეს, რომლებსაც თურქეთი და საქართველო ერთობლივად ახორციელებენ. განსაკუთრებული ყურადღება "მარაბდა-თეთრწყარო-წალკა-ახალქალაქი-კარწახის სარკინიგზო ხაზის" მშენებლობის პროექტზე გამახვილდა. აღნიშნულ პროექტს საქართველო აზერბაიჯანთან და თურქეთთან ერთად ახორციელებს. 

მინისტრმა დიპლომატთან შეხვედრისას საქართველოსა და თურქეთისათვის სარკინიგზო ხაზის სტრატეგიულ მნიშვნელობაზე ისაუბრა. ასევე, აღინიშნა იმ ეკონომიკური სარგებელის შესახებაც, რომელსაც პროექტში მონაწილე ქვეყნები  მისი განხორციელების შედეგად მიიღებენ.

internet.ge