საქართველოს
სტატისტიკის
ეროვნული სამსახურისა და შვედეთის სტატისტიკის ერთობლივი პროექტის ფარგლებში, საქსტატს შვედი სტატისტიკოსების
ორი მისია ეწვია.
ცნობილია, რომ შვედი სტატისტიკოსების
ერთი ჯგუფი ბიზნეს სტატისტიკის სამმართველოში ორი კვირის განმავლობაში დარჩება და ქართველ კოლეგებთან ერთად ბიზნეს რეგისტრის მონაცემთა ბაზებზე
იმუშავებს.
რაც
შეეხება მეორე ჯგუფს, ის იმუშავებს ფასების სტატისტიკის სამმართველოსთან
მიმდინარე
საკითხებზე
და იმ ცვლილებებსა და შედეგებზე, რომელიც განხორციელდა სამმართველოში ბოლო პერიოდის მუშაობის შედეგად.
საქსტატსა
და შვედეთის სტატისტიკას შორის 3 წლიანი თანამშრომლობის პროექტის ფარგლებში, შვედეთის სტატისტიკა საქსტატს ტექნიკურ დახმარებას უწევს ინფლაციის, მთლიანი შიდა პროდუქტის, თანამშრომელთა ტრენინგის და
სხვა ძირითადი სტატისტიკური მონაცემების ხარისხის გაუმჯობესების მიმართულებით. პროექტი მთლიანად დაფინანსებულია შვედეთის საერთაშორისო განვითარების სააგენტოს
(SIDA) მიერ.
Internet.ge
