საქართველოში წარმოებული მრავალფეროვანი პროდუქციის პოპულარიზაციის მიზნით, 26 მაისს რუსთაველის გამზირზე გრანდიოზული გამოფენა–გაყიდვა: "ქართული მრეწველობის აღლუმი – დამზადებულია საქართველოში" გაიმართება. ამის შესახებ თბილისის მერმა დღეს მოსახლეობასთან შეხვედრაზე ისაუბრა.

მისი თქმით,  საქართველოს მასშტბით მოქმედ, ნებისმიერ დაინტერესებულ კომპანიას შესაძლებლობა აქვს 10 მაისამდე დარეგისტრირდეს თბილისის მერიის ვებ–გვერდზე: Tbilisi.gov.ge და საკუთარი პროდუქცია რუსთაველის გამზირზე წარმოაჩინოს.

26 მაისს, მთელი დღის განმავლობაში, თბილისელებისთვის მრავალფეროვანი  სანახაობა, ქართული ნაწარმის გამოფენა–გაყიდვა და სხვადასხვა კულტურულ–გასართობი ღონისძიებები მოეწყობა.

„სახელმწიფოს ერთ–ერთი მთვარი პრიორიტეტი ადგილობრივი ბიზნესის ხელშეწყობაა. ბოლო წლების განმავლობაში ქართული წარმოება სწრაფი ტემპით ვითარდება, რაც სტაბილური ბიზნეს–გარემოს შექმნამ და ლიბერალურმა საგადასახადო კანონმდებლობამ  განაპირობა. საქართველოს დამოუკიდებლობის დღისადმი მიძღვნილი სამრეწველო აღლუმი ქართული ეკონომიკის განვითარებას, სამუშაო ადგილების შემქნასა და წარმოების სხვადასხვა სფეროს  გაძლიერებას ისახავს მიზნად“,- მიიჩნევს გიგი უგულავა.

Internet.ge