„საგადასახადო კოდექსის“ პროექტში ცვლილება შედის, რომლის მიხედვით, ოკუპირებული ტერიტორიების მიმდებარე სოფლებს მიწაზე დარიცხული დავალიანებები ჩამოეწერებათ.

პარლამენტში წარდგენილი პროექტის თავდაპირველი რედაქციით, ოკუპირებული ტერიორიების მიმდებარედ არსებული მიწები, მხოლოდ ქონების გადასახადისგან უნდა გათავისუფლებულიყო და არსებული დავალიანებების ჩამოწერაზე საუბარი არ ყოფილა.

მთავრობამ კი, პროექტის მეორე მოსმენით განხილვისას გადაწყვეტილება მიიღო, რომ  ქონების გადასახადზე დაწესებული შეღავათიც შენარჩუნდეს და არსებული გადასახადების ჩამოწერაც მოხდეს.  თუმცა, ასეთი შეღავათისთვის, პირი ამ მიწით ვერ უნდა სარგებლობდეს და ეს ფაქტი, ადგილობრივი თვითმმართველობის ორგანოს მიერ გაცემული ცნობით უნდა დადასტურდეს.

შეგახსენებთ, რომ „საგადასახადო კოდექსში“ ცვლილებები მეორე მოსმენით, უახლოეს პლენარულს სხდომაზე იქნება განხილული.

Internet.ge