სავაჭრო-სამრეწველო პალატის Golden წევრის სტატუსის მქონე 10 კომპანიას, პალატის პრეზიდენტმა კახა ბაინდურაშვილმა სპეციალური სერტიფიკატები გადასცა. 

პალატის ინფორმაციით, ამ დროისთვის Golden წევრის სტატუსის მქონე კომპანიებია:

შპს „ემ ეს სი ჯორჯია“;  შპს „ელ ჯი“;  “დექსუსი”, “პოპული”, GPC, “სოკარ ჯორჯია პეტროლეუმი”, “ვისოლ პეტროლიუმ ჯორჯია”, “ელმავალმშენებელი”, “საქართველოს ბანკი” და “APM ტერმინალს ფოთი”.

სავაჭრო-სამრეწველო პალატამ წლის დასაწყისიდან ბიზნესს განახლებული სერვისები შესთავაზე, რომელთა შორის მნიშვნელოვანი ინიციატივაა  პალატის Golden წევრის სტატუსის მინიჭება. აღნიშნული სტატუსის მქონე კომპანიები სავაჭრო-სამრეწველო  პალატის სერვისებით სარგებლობისას შეღავათებით სარგებლობენ. 

ასევე დღეს, საქართველოს სავაჭრო-სამრეწველო პალატის პრეზიდენტმა კახა ბაინდურაშვილმა მედიასთან მიმდინარე წელს პალატის ორგანიზებით გამართულ მნიშვნელოვანი შეხვედრები, ფორუმები და საერთაშორისო ვიზიტები შეაჯამა, რომელთა მთავარი მიზანი ქვეყანაში ახალი ინვესტიციების მოზიდვა, ეკონომიკური განვითარების ხელშეწყობა, ბიზნესის სტიმულირება და ახალი სამუშაო ადგილების შექმნა იყო.

საქართველოს სავაჭრო-სამრეწველო პალატის ორგანიზებით, წლის დასაწყისიდან საქართველოსა და საზღვარგარეთ გაიმართა საქართველო-ჩეხეთის, საქართველო-სამხრეთ კორეის,  საქართველო-უკრაინის, საქართველო-ირანის ბიზნესფორუმები, შედგა ბიზნესის შეხვედრები თურქეთის რესპუბლიკაში, საინვესტიციო ფორუმები კატარსა და დუბაიში. მოეწყო შეხვედრები სხვადასხვა სექტორის წარმომადგენლებთან, ბიზნესასოციაციებთან. 

შედგა პალატის პრეზიდენტის საქმიანი ვიზიტები ლიბანში, გერმანიაში, იტალიაში, არაბთა გაერთიანებულ საემიროებში, სადაც პალატის პრეზიდენტმა გააფორმა ურთიერთთანამშრომლობის მემორანდუმები ადგილობრივ სავაჭრო პალატებთან და ადგილობრი ბიზნესსაზოგადოებას გააცნო საქართველოს ბიზნესგარემო და საინვესტიციო შესაძლებლობები .

Internet.ge