მთავრობის საპარლამენტო მდივნის, გია ხუროშვილის ინფორმაციით, 2012 წლის სახელმწიფო ბიუჯეტი – 200 მლნ 600 000 ლარით იზრდება.

როგორც “ინტერნეტ.ჯი” –ს ხუროშვილმა განუცხადა, საბიუჯეტო შემოსავლების ზრდა გამოწვეულია – ბუნებრივი რესურსებით სარგებლობის ლიცენზირების საფასურიდან მიღებული შემოსავლებითა და ევროკავშირის მიერ გამოყოფილი დამატებითი გრანტებით.

ხუროშვილის განცხადებით, გაზრდილი ბიუჯეტი მოხმარდება – კახეთისა და იმერეთის რეგიონებში ინფრასტრუქტურულ პროექტებს, საჯარო სკოლების რეაბილიტაციას, ნაპირსამაგრი სამუშაოების შესრულებას, ასევე დაფინანსდება საშემოდგომოდ რთველთან დაკავშირებული სამუშაოები.  

მთავრობის მიერ მომზადებული პროექტის თანახმად, სულ ხარჯები 139,5 მლნ ლარით გაიზარდა.

Internet.ge