ფინანსთა მინისტრის, დიმიტრი გვინდაძის მტკიცებით, 2012 წლის მონაცემებით, საქართველოში, ერთ სულ მოსახლეზე მთლიანი შიდა პროდუქტი –  3 ათას 549 დოლარამდეა, რაც საკმაოდ მაღალი მაჩვენებელია.

როგორც პარლამენტის საფინანსო–საბიუჯეტო კომიტეტის დღევანდელ სხდომაზე, მიმდინარე წლის ბიუჯეტში განსახორციელებელი ცვლილებების განხილვისას, გვინდაძემ განაცხადა, 2011 წელი 7 პროცენტიანი ეკონომიკური ზრდით დასრულდა, რაც ნომინალურ გამოსახულებაში, ორნიშნა ზრდას გულისხმობს.

მისი შეფასებით, აღნიშნული პროგნოზი ძალიან კარგი შედეგია, იმ გამოწვევებიდან გამომდინარე, რაც 2011 წელს არსებობდა.

„7%-იანი ზრდა ერთ-ერთი კარგი შედეგია არა მხოლოდ რეგიონში, არამედ მთლიანად ევროპაში“, - დასძინა მინისტრმა.   

Internet.ge