თელავში დღეს, კახეთის განთავსების ობიექტების კლასიფიკაციის შედეგად შეფასებული სასტუმროებისთვის ვარსკვლავების მინიჭებისა და შესაბამისი სერთიფიკატების გადაცემის ცერემონია გაიმართება.

ღონისძიებას ტურიზმის ეროვნული ადმინისტრაციის ხელმძღვანელი მაია სიდამონიძე და სტრატეგიული განვითარების სააგენტოს დირექტორი ივა დავითაია დაესწრებიან.

შეგახსენებთ, რომ  კახეთის სასტუმროების კლასიფიკაციის პროცესი მიმდინარეობს, რომელიც რეგიონის რეაბილიტაციის პროექტის ფარგლებში ტარდება.

აღნიშნული პროცესი საქართველოს ტურიზმის ეროვნული ადმინისტრაციის ინიციატივითა და კახეთის სამხარეო ადმინისტრაციის ორგანიზებით, ასოციაცია „გლობალ სტარის" მიერ დაიწყო.

Internet.ge