Moody’s-ის საერთაშორისო სააგენტომ საკრედიტო რეიტინგი ერთდროულად 16 ესპანურ ბანკს დაუწია. მათ შორის მოხვდა ორი უმსხვილესი ბანკიც: Santander-ი და ВВVA.

მთელი დღის განმავლობაში მადრიდულ ბირჟაზე პანიკა იყო, რაც წამყვანი ბანკების აქციების ფასის ვარდნამ გამოიწვია. განსაკუთრებით, ყურადღების ცენტრში მოექცა ერთი კვირის წინ ნაციონალიზებული ბანკი Bankia. კაპიტალის მოცულობით იგი ესპანეთში მეოთხე ბანკია, თუმცა მისი აქციები 28%-ით დაეცა. გარდა ამისა, მცირე ინვესტორებმა მისგან მილიარდამდე ევრო გამოიტანეს.

სააგენტოს ანალიტიკოსები რეიტინგის დაწევას რეცესიით და ესპანური ბანკების აქტივების ხარისხის გაუარესებით ხსნიან.

ადგილობრივი და საზღვარგარეთის ეკონომისტების აზრით, ეს სიახლე ადასტურებს საფინანსო ბაზრის მერყეობას, განსაკუთრებით, ესპანურ საბაზრო სისტემაში.

Internet.ge