მთავრობის „სპეციალური დაბეგვრის რეჟიმების შესახებ“  დადგენილებაში ცვლილება შედის, რომლის მიხედვით, ყოველთვიური 100-ლარიანი ფიქსირებული გადასახადი ავტომობილების ტექნიკურ სარემონტო მომსახურების სუბიექტებზეც წესდება.

აღნიშნულ ცვილებაზე პარლამენტის საფინანსო-საბიუჯეტო კომიტეტის დღევანდელ  სხდომაზე იმსჯელეს.

ცვლილებებით, საგადასახდო განაკვეთი ერთი ავტომობილის მომსახურებისთვის განკუთვნილ ადგილზე თვეში – 100 ლარი იქნება. თუმცა, იმ შემთხვევაში, თუ ცალსახად ვერ დგინდება, რამდენ ავტომობილს ემსახურება სამუშაო ადგილი, გადასახადის განაკვეთი ყოველ 40კვ.მ-ის ფართზე დაანგარიშდება და ამ შემთხვევაშიც თვეში 100 ლარი იქნება.

შეგახსენებთ, რომ მსგავსი საგადასახო დაბეგვრის რეჟიმი, ცოტა ხნის წინ, თონეებზე, სილამაზის სალონებსა და სოლარიუმებზე გავრცელდა.

Internet.ge