წიგნის "საუკეთესო ქართული ღვინოები და სპირტიანი სასმელები - 2012"-ის პრეზენტაცია დღეს გაიმართება, გამოცემა ქართულ, ინგლისურ და რუსულ ენებზეა.

პრეზენტაციაზე წიგნში წარმოდგენილი სასმელების დეგუსტაცია მოეწყობა.  მასში ის საუკეთესო ქართული ღვინოები და სპირტიანი სასმელებია აღწერილი, რომლებიც დღევანდელ ქართულ ბაზარზე არსებობს.

სასმელების აღწერილობა ცნობილმა ქართველმა დეგუსტატორებმა ანა გოდაბრელიძემ, გიორგი სამანიშვილმა და ლევან მეხუზლამ შეადგინეს.

წიგნში ასევე ქართული ღვინის წარსულისა და თანამედროვეობის შესახებაა მოთხრობილი და ქართული ვაზის სხვადასხვა ჯიშებია აღწერილი.

Internet.ge