საქართველოს პრემიერ-მინისტრის ნიკა გილაურის ინფორმაციით, ევროპული ფონდიდან საქართველოსთვის დამატებით თანხის გამოყოფაზე მოლაპარაკებები მიმდინარეობს. 

ამის შესახებ განცხადება, გილაურმა დღეს, სასტუმრო „რედისონში“, ევროპის ფონდის ყოველწლიური კონფერენციაზე გააკეთა.

პრემიერის ინფორმაციით, საუბარია 20-დან 40 მილიონამდე დოლარზე.

„ევროპული ფონდი არის ერთ-ერთი ყველაზე დიდი მიკროსაფინანსო ფონდი მსოფლიოში, რომელიც თავის ყოველწლიურ შეხვედრას ამჟამად თბილისში ატარებს, რაც ძალიან ნიშვნელოვანია. ამ ფონდიდან ერთ-ერთი ყველაზე დიდი თანხის მიმღები და მონაწილე საქართველოა.

საქართველოში ამ ფონს დაახლოებით 70 მილიონ დოლარამდე უკვე ჩადებული აქვს, ახლა მიმდინარეობს მოლაპარაკებები დამატებით 20 დან-40 მილიონამდე დოლარის ჩადებაზე. ლაპარაკია იმ თანხებზე, რომელიც ძალიან მნიშვნელოვანია ჩვენი საზოგადოებისთვის.“,- განაცხადა გილაურმა.

internet.ge