საქართველოს პრემიერ-მინისტრმა ნიკა გილაურმა დღეს გამართულ მთავრობის სხდომაზე 2012 წლის I კვარტლის მაკროეკონომიკური აქტივობა შეაჯამა.

პრემიერის ინფორმაციით, პირველი 5 თვის მონაცემებით, საგარეო ვაჭრობა დაახლოებით 19-20%-ითაა გაზრდილი.

„კერძოდ იმპორტი 20-22%-ით გაიზარდა, ექსპორტი კი - 12-13%-ით. ეს ცუდი მონაცემები არ არის. ქვეყანაში ექსპორტი უფრო ნაკლები ტემპით იზრდება, ვიდრე გასულ წელს, მაგრამ მაჩვენებელი მაინც საკმაოდ მაღალია“,- განაცხადა პრემიერმა.

გილაურის თქმით, პირველ კვარტალში ინვესტიციების მოცულობამ 270 მლნ აშშ დოლარი შეადგინა, რაც წინა წელთან შედარებით 60-65 % -ით მეტია. ერთ-ერთი მთავარი ინვესტორი კი, გერმანია და გერმანული კომპანიები იყვნენ.

internet.ge