ფინანსთა მინისტრის დიმიტრი გვინდაძის განცხადებით, სტიქიის შედეგების ლიკვიდაციის დაფინანსება 2013 წლის ბიუჯეტშიც აისახება. 

ამის შესახებ გვინდაძემ დღეს, პარლამენტის რიგგარეშე სხდომაზე განაცხადა. მისი თქმით, წელს სტიქიის ლიკვიდაციაზე მხოლოდ 162 მილიონი არ დაიხარჯება და ამას სამინისტროების მიერ გამოყოფილი ასიგნებებიც დაემატება.

დღესვე, ფინანსთა მინისტრმა პრეზიდენტისა და მთავრობის სარეზერვო ფონდებიდან დაფინანსებული ღონისძიებები დაასახელა.

კერძოდ, საქართველოს და აშშ-ს შორის დიპლომატიური ურთიერთობების დამყარების მე-20 წლისთავთან დაკავშირებული ღონისძიებები, მორაგბეთა ეროვნული ნაკრების დაჯილდოება, საქართველოს სხვადასხვა რეგიონში საგზაო, წყალმომაგარების და სხვადასხვა ინფრასტრუქტურული პროექტები განხორციელება, თბილისში მდებარე ერთ–ერთი ეკლესიის აღდგენა და სხვა მრავალი საკითხი.

internet.ge