საქართველოს პრემიერ-მინისტრის ვანო მერაბიშვილის განცხადებით, გლეხს ხილისა და ბოსტნეულის გაყიდვაში სპეციალური სახელმწიფო კომპანია დაეხმარება.

როგორც მერაბიშვილმა წყალტუბოში, ფერმერებთან შეხვედრაზე განაცხადა, ქვეყნის მასშტაბით ხილისა და ბოსტნეული ს შემგროვერბელი პუნქტები ამოქმედდება, სადაც პროდუქცია დახარისხდება და უმაღლესი სტანდარტებით შეინახება.

პრემიერისვე განცხადებით, პროდუქციის ექსპორტში რკინიგზა და ავიაციაც ჩაერთვება.

„ხელი უნდა შევუწყოთ წვრილ, საშუალო და მსხვილი ბიზნესის წარმომადგენლებს. რომ თავის ჭარბი პროდუქცია საზღვარგარეთ გაიტანონ. მთავრობის გადაწყვეტილებით უკრაინაში საქართველოს საკუთარი საწყობი ექნება, რაც ჩვენი პროდუქციის მეტ გაყიდვას უზრუნველყოფს“,- განაცხადა მერაბიშვილმა.

 internet.ge