პეტერბურგში, კრასნოსელსკის გზაზე აღმოაჩინეს მამაკაცის გვამი, რომელსაც სახეზე დანით მრავლობითი ჭრილობები აქვს მიყენებული.
ცხედარს თავზე ხატი ედო. ერთ-ერთი ვერსიით, ეს რიტუალური მკვლელობა იყო.
თუმცა პოლიცია მომხდარზე ოფიციალურ კომენტარს ჯერ არ აკეთებს. სამაგიეროდ, თავისი ვერსიები აქვთ ბლოგერებს. ისინი ამ შემთხვევას ყაზანში მომხდარ მკვლელობას უკავშირებენ, როცა დედა-შვილი ასევე დანით აკუწეს, კედელზე კი სისხლით წარწერა დატოვეს: ‘’თავისუფლება ‘’პუსი-რიოტს".
რუსეთში, ბოლო პერიოდში მომხდარ მკვლელობებში მართლმადიდებლური სიმბოლოები პირველად არ ფიგურირებს. მას შემდეგ, რაც მოძრაობა ‘’ფემენის" წარმომადგენლებმა პანკ-ჯგუფ ‘’პუსი-რიოტისა" და ზოგადად, რეპრესირებულთა მხარდასაჭერად კიევში ჯვარი გადახერხეს, მსგავსი აქციები არხანგელსკისა და ჩელიაბინსკის ოლქშიც გახშირდა.
ჯვრების ჭრაზე პასუხისმგებლობა მოძრაობა ‘’სახალხო ნებამ" აიღო. მათი თქმით, ეს აქციები ‘’პუსი-რიოტის" წევრი გოგონების დევნაზე პასუხია.
Internet.ge
