ჩოლოყაშვილის ქუჩაზე ურთიერთშელაპარაკებისას დაჭრილი 32 წლის დავით ალთუნაშვილის ჯანმრთელობის მდგომარეობა მძიმეა. აღნიშნულის შესახებ „ინტერნეტ.ჯი“-ს ინგოროყვას კლინიკის საზოგადოებასთან ურთიერთობის სამსახურში განუცხადეს.

მედიკოსთა განცხადებით, პაციენტს გულ-მკერდის არეში ბასრი საგნით მიყენებული ჭრილობა აღენიშნება. დაზიანებულია ფილტვიც.

„პაციენტს ჩაუტარდა შესაბამისი მკურნალობა. ის რეანიმაციაში რჩება“,- აღნიშნავენ კლინიკაში.

არსებული ინფორმაციით, სისხლიანი გარჩევა გუშინ მოხდა. ინციდენტი  ალკოჰოლური სასმელის მაღაზიიდან ნისიად წაღებასთან დაკავშირებით წარმოიშვა.

62 წლის მამაკაცი, რომელმაც აღნიშნული დანაშაული ჩაიდინა, პოლიციას ჩაბარდა.

Internet.ge