საფრანგეთის ებრაული გამოცემა Dreuz.info წერს დანაშაულის შესახებ, რომელიც ცოტა ხნის წინ მოხდა და რომელსაც მედიამ შესაბამისი ყურადღება არ მიაქცია, არადა გაზეთის აზრით, საფრანგეთი არალეგალურ მიგრაციაზე სერიოზულად უნდა დაფიქრდეს.

საქმე ეხება ჩინელი მეძავის მკვლელობას. მისი ცხედარი ქუჩაში იპოვეს.

ექსპერტების მონაცემებით, ქალი ჯერ გააუპატიურეს, შემდეგ კი ჩანთის საკიდით გაგუდეს.

სათვალთვალო კამერების ჩანაწერების გაშიფვრის შემდეგ სამართალდამცველები ეჭვმიტანილის კვალზე გავიდნენ და დააკავეს კიდეც.

ის 1988 წელს დაბადებული პალესტინელი აღმოჩნდა, რომელიც საფრანგეთის ტერიტორიაზე არალეგალურად იმყოფებოდა.

პალესტინელმა მკვლელობა აღიარა, თუმცა გაუპატიურების ფაქტი უარყო და განაცხადა, რომ მეძავმა მასთან ინტიმური კავშირი შეთანხმების შედეგად დაამყარა.

თუ სასამართლო მამაკაცის ბრალეულობას დაადგენს, მას სამუდამო პატიმრობა ემუქრება.

მას, ბრალს, საფრანგეთში არალეგალურად ყოფნის გამოც დაუმძიმებენ.

Internet.ge