საერთაშორისო გამოფენა „GEM“–ზე მამაკაცმა 1,5 კარატიანი  ბრილიანტი გადაყლაპა. ამის შესახებ ინფორმაციას შრილანკის პოლიცია ავრცელებს.

„32 წლის მამაკაცს, რომელიც ჩინეთის მოქალაქეა, სურდა მოეპარა 14,000 ამერკული დოლარის ღირებულების ბრილიანტის ქვა. ამისათვის მან 1,5 კარატიანი ბრილიანტი გადაყლაპა“, – განაცხადა შრილანკის პოლიციის წარმომადგენელმა.

ქვეყნის სამართალდამცავებმა ჩინელი ეჭვმიტანილი დააკავეს. საინფორმაციო სააგენტო „AFP“–ს ცნობით, ძვირფასი ქვის ამოსაღებად შესაძლოა 32 წლის მამაკაცს ქირურგიული ოპერაცია ჩაუტარდეს.

გამოფენის ორგანიზატორის, სურეშ ვიჯეკსონის განცხადებით, მძარცველი საეჭვოდ იდგა ძვირფას ქვასთან ახლოს და ამიტომ მან უსაფრთხოების სამსახურის განსაკუთრებული ყურადღება მიიპყრო.

1,5 კარატიანი ბრილიანტის ქვის გადაყლაპვის შემდეგ მან გაქცევა სცადა, თუმცა ის სამართალდამცავებმა დააკავეს.

Internet.ge