შინაგან საქმეთა სამინისტროს  ქარელის რაიონულმა სამმართველომ  11 სექტემბერს სოფელ ძლევიჯვარის მცხოვრებნი მირზა ხაბარელი  და თეიმურაზ ჩაგელიშვილი დააკავა.

შსს-ს ინფორმაციით, ჩაგელიშილმა და ხაბარელმა ქარელის რაიონის სოფელ ბრეთის რწმუნებულს ალექსი ელიაშვილს საკუთარ სამუშაო ოთახში სიტყვიერი და ფიზიკური შეურაცხყოფა მიაყენეს.

მირზა ხაბარელი  და თეიმურაზ ჩაგელიშვილი დაკავებულნი არიან ადმინსტრაციულ სამართალდარღვევათა  კოდექსის 166-ე მუხლით. სასამართლომ მათ 60 დღიანი ადმინისტრაციული პატიმრობა შეუფარდა.

Internet.ge