ლოს–ანჯელესის მაცხოვრებლები უცნაური შემთხვევის მოწმეები გახდნენ. მათ იხილეს როგორ მისდევდა პოლიცია მძარცველების ავტომობილს, რომლებიც მოპარულ ფულს ფანჯრებიდან  ყრიდნენ, რათა გამვლელებს აეღოთ. მათ ქვეყნის ერთ–ერთი ბანკი გაძარცვეს.

„ეს არ არის ინციდენტი, რომელსაც ყოველ დღე ვხედავთ. ეს ნამდვილად უნიკალური შემთხვევაა“, – განაცხადა ლოს–ანჯელესის პოლიციის წარმომადგენელმა, მაილ პარკერმა.

ლოს–ანჯელესის პოლიციამ ორი მათგანი დააკავა. ამჟამად მიმდინარეობს გაქცეული მძარცველების ძებნა.

„ეს სიტუაცია რობინ ჰუდის ისტორიას გავდა. მდიდრებს ართმევენ და ღარიბს აძლევენ“, – განაცხადა ერთ–ერთმა თვითმხილველმა.

ამ ეტაპზე შემთხვევის დეტალებს FBI იძიებს.

internet.ge