შსს  სასაზღვრო  პოლიციის  საგამოძიებო–ოპერატიული  მთავარი  სამმართველოს  თანამშრომლებმა, თბილისში,  ქრთამის   შეთავაზების ფაქტზე, საქართველოს  მოქალაქე - ალი მამედოვი დააკავეს.

სასაზღვრო პოლიციის ინფორმაციით, დაკავებულმა 2009 წლის მაისის თვეში  სასაზღვრო პოლიციის საგამოძიებო–ოპერატიული სამმართველოს, საგამოძიებო–ოპერატიული განყოფილების  უფროსს, ზამურ  ჭითანავას  ქრთამის  სახით 1 000 აშშ  დოლარი შესთავაზა და სანაცვლოდ  საქართველოს ტერიტორიაზე სომხეთიდან კარტოფილის უკანონო გზით შემოტანას ითხოვდა.

აღნიშნულ ფაქტთან დაკავშირებით მიმდინარეობს წინასწარი გამოძიება    საქართველოს სისხლის სამართლის კოდექსის 339–ე მუხლით.  

internet.ge