ვირჯინიის შტატის სასამართლომ 30 წლით თავისუფლების აღკვეთა მიუსაჯა მაროკოელ ქალს, რომელიც ვაშინგტონის კაპიტოლიუმის ბორცვზე ტერაქტებს გეგმავდა - იუწყება „ასოშეითედ პრესი“.

29 წლის არალეგალმა აღიარა, რომ აპირებდა მოქმედებაში მოეყვანა ტანზე მიმაგრებული „თვითმკვლელის ქამარი“.

დაზვერვის ფედერალური ბიუროს თანამშრომლებმა ახალგაზრდა ქალი მას შემდეგ დააკავეს, რაც ის ერთ-ერთ აგენტს შეხვდა და მასთან საუბარში ტერაქტების თემით დაინტერესება გამოავლინა.

შემდეგ შეხვედრაზე აგენტმა ქალს „გაუმხილა“, რომ „ალ-ქაედას“ წევრია და მას ქურთუკი შესთავაზეს, რომლის ჯიბეებიც, როგორც უთხრეს, ასაფეთქებელით იყო სავსე.
ქალმა შეთავაზება მიიღო.

ეს ამერიკული სპეცსამსახურების აპრობირებული მეთოდია და ტერაქტის ჩადენის ფაქტი, ბრალის წასაყენებლად, აუცილებელი აღარ არის.