საქართველოს მთავარი პროკურატურის ინფორმაციით, პატიმართა წამების ფაქტზე 10 პირია დაკავებული.

საქართველოს მთავარი პროკურორის, მუღთაზ ზოდელავას განცხადებით, დაკავებულებს შორისაა დავით ხუჭუა, რომელიც მე-8 საპყრობილის დირექტორი იყო.

მისი თქმით, პატიმრების  წამებისა და არაადამიანური მოპყრობის ფაქტზე დაკავებულნი არიან: გაგა მკურნალიძე სასჯელაღსრულების დეპარტამენტის მოადგილე, დავით ხუჭუა - გლდანის მერვე საპრყობილის დირექტორი, ვიქტორ ყაჭეიშვილი - გლდანის საპრყობილის დირექტორის მოადგილე. ლევან ფურცხვანიძე - ციხის  უსაფრთხოების განყოფილების უფროსი, გიორგი კვარაცხელია - გლდანის # 8 საპყრობილის რეჟიმის უფროსი ინსპექტორი, ოლეგ ფაცაცია - საპყრობილის უსაფრთხოების რეჟიმის უფროსი, მანუჩარ ლომთაძე - საპყრობილის კონტროლის ინსპექტორი, გელა ცომაია - ოპერატიული მორიგე, ლევან ფხალაძე - საპყრობილის კონტროლიორი, ბორის ფარულავა - უსაფრთხოების განყოფილების ინსპექტორი. რაც შეეხება კიდევ ერთ დანმაშავეს, ზოდელავას განმარტებით, ვლადიმერ ბედუკაძეს ბრალი დაუსწრებლად წაეყენა, ის ძებნაშია.

მიმდინარეობს გამოძიება სხვა დამნაშავე პირთა გამოსავლენად.

"ნებისმიერი პატიმრის ჯანმრთლობის ხელყოფა უმკაცრესად იქნება დასჯილი“,- განაცხადა მთავარმა პროკურორმა. მისი თქმით გამოძიებამ დაადგინა რომ საპყრობილეში პატიმართა წამებასაც ქონდა ადგილი.

„ლევან ფურცხანიძე და ბედუკაშვილი, დაქვემდებარებულ პირებთან ერთად პატიმრებზე არაადამიანურ მოპყრობას ახორციელებდნენ და ვიდეო ფირზე აღბეჭდავდნენ წამებას“,- განაცხადა ზოდელავამ.

Internet.ge