რუსეთის შს სამინისტრომ ე.წ. კანონიერი ქურდი გიორგი ზარანდია, მეტსახელდა გია გალსკი დააკავა. დაკავებისას მას ყალბი დოკუმენტები და ნარკოტიკები აღმოაჩნდა.

როგორც „როსბალტს“ სამინისტროში განუცხადეს, 1979 წელს დაბადებული გიორგი ზარანდია წარმოშობით გალი რაიონის სოფელ ნაბაკევიდანაა. ის მოსკოვში რეგისტრაციის გარეშე ცხოვრობდა. დაკავებისას ზარანდიამ რუსეთის მოქალაქის იური კრასნოვის სახელზე გაცემული პასპორტი წარადგინა, რომელიც ყალბი იყო. ჩხრეკის დროს კი, მას 4 გრამი ჰაშიში აღმოუჩინეს.

სისხლის სამართლის საქმე გიორგი ზარანდიას მიმართ ყალბი დოკუმენტების გამოყენებისა და ნარკოტიკული ნივთიერების შენახვის ბრალდებით არის აღძრული.

როგორც სამართალდამცავებმა გაარკვიეს, ზარანდია მოსკოვში არც ისე დიდი ხანია იმყოფება. ის აკონტროლებდა დანაშაულებრივ დაჯგუფებას, რომელიც ბინებს ძარცვავდა. ოპერატიული ინფორმაციის თანახმად, მისი „კანონიერ ქურდად მონათვლა“ 2011 წელს კალუგის ოლქში, ძმებ გელა და გიზო ქარდავების, ვლადიმირ ჟურაკოვსკის, მერაბ მზარელუას და როლანდ გეგეჭკორის მიერ მოხდა.

Internet.ge