ორგანიზებულ დანაშაულთან ბრძოლის განყოფილებამ უკრაინიდან გააძევა 90-იან წლებში ე.წ. კანონიერ ქურდად შერაცხული ქართველი კრიმინალური ავტორიტეტი, რომელიც „რეზოს“ მეტსახელითაა ცნობილი.

უკრაინის სამართალდამცავი ორგანოების ინფორმაციით, ამ ადამიანმა ყალბი დოკუმენტებით მიიღო უკრაინის მოქალაქეობა და დიდი ხნის განმავლობაში არალეგალურად ცხოვრობდა კიევში.

„რეზო“ უკრაინაში ნასამართლევი იყო. მას 6 წლით თავისუფლების აღკვეთა დიდი რაოდენობით ქონების დანაშაულებრივი გზით დაუფლებისა და სხეულის მძიმე დაზიანებების მიყენების  მუხლით მიუსაჯეს.

სასჯელის მოხდისას, როგორც უკრაინული წყაროები წერენ, მას გავლენა ჰქონდა კრიმინალურ სიტუაციაზე კოლონიაში, კერძოდ, კოორდინირებას უწევდა რამდენიმე დანაშაულებრივ დაჯგუფებას, რომლებიც ბინებისა და ავტომანქანების ძარცვით იყო დაკავებული.

ჩატარებული შემოწმების შედეგად „რეზოს“ მოქალაქეობა გაუუქმეს და უკრაინიდან გააძევეს.

Internet.ge