სისხლისმღვრელი შეტაკების შემდეგ, რომლის დროსაც სასამართლოს გადაწყვეტილებით უკმაყოფილო მოსახლეობამ პროკურორი და მოსამართლე სცემეს და მათ განაჩენის შეცვლა აიძულეს, ყირგიზეთის ალა-ბუკინსკის რაიონში პოლიციის დამატებითი ძალებია გადასროლილი.

ინცინდენტი განაპირობა მოსამართლის მიერ ორი უზბეკი ეჭვმიტანილის გათავისუფლებამ, რომლებიც თანასოფლელ ყირგიზებს დაესხნენ თავს.

სასამართლოში დაწყებული დაპირისპირება ეთნიკურ დაპირისპირებაში გადაიზარდა, რის გამოც რაიონში სამართალდამცველთა ძალების გაძლიერება აუცილებელი გახდა.

ადგილობრივი ყირგიზები აქციებს მართავენ არა მარტო მოსამართლისა და პროკურორის, არამედ ადგილობრივი ხელისუფლების ჩინოვნიკთა წინააღმდეგ და მათ გადადგომას მოითხოვენ.

მოსახლეობის ზეწოლის შედეგად გათავისუფლებული ეჭვმიტანილები კი უკვე დააკავეს.

Internet.ge