ბრიგადის გენერალი ჯეფრი სინკლერი, რომელიც არაერთ ცხელ წერტილშია
ნამყოფი, ბრალდებულია ხელქვეითებზე ძალადობასა და გაუპატიურებაში.
2012 წლის მაისამდე ის ავღანეთის ყანდაღარში საჰაერო-სადესანტო
დივიზიის მეთაურის მოადგილე იყო.
გენერალს არაერთ ეპიზოდში
წაუყენეს ბრალი: გაუპატიურებაში, სექსუალურ ძალადობაში, ალკოჰოლითა და
პორნოგრაფიით გატაცებაში და ეს ყველაფერი სამსახურეობრივი მოვალეობის შესრულების
დროს ხდებოდა. მას სამსახურეობრივი მდგომარეობის ბოროტად გამოყენებაშიც ედება
ბრალი.
გენერლის მსხვერპლთა შორის არის მისი ხელქვეითი რამდენიმე ქალი.
სინკლერის კოლეგები, რომლებიც მასთან ერთად მუშაობდნენ, შოკირებულები
არიან ამ ცნობებით. მას ახასიათებენ, როგორც ძალიან კომუნიკაბელურ და ინიციატივიან
ადამიანს.
ამ დროისათვის სინკლერი აშშ-ის ერთ-ერთ სამხედრო ბაზაზე იმყოფება.
მიუხედავად იმისა, რომ ბრალი უკვე წაყენებული აქვს, ის ჯერ არ
დაუკავებიათ.
სინკლერს სამხედრო ტრიბუნალი გაასამართლებს.
internet.ge
