9 წლის დაშა პოპოვამ კვირაზე მეტი გაატარა მანქანის საბარგულში. მთელი ამ ხნის განძილზე, გამტაცებელი, რომელიც ყოფილი პოლიციელი აღმოჩნდა, მას მხოლოდ პურსა და წყალს აძლევდა.

ყოფილმა სამართალდამცველმა, 57 წლის ალექსანდრ მაქსიმოვმა მას პირიც აუკრა, რომ გოგონას ვერ ეყვირა.

დაჭერის შიშის გამო, ამ მანქანით, დამნაშავე 8 დღის განმავლობაში, დონის როსტოვის აკსაისკის რაიონში თითქმის გაუჩერებლად მოძრაობდა.

დამნაშავის დაკავება სწორედ იმ დღეს მოხდა, როცა ის გოგონას მშობლებთან დარეკვას და გამოსასყიდის მოთხოვნას აპირებდა. ამ მიზნით, ის სამსახურში მივიდა ყოფილ
ცოლთან. სწორედ მას უნდა დაერეკა დაშა პოპოვას მშობლებთან და 500 ათასი რუბლი მოეთხოვა.

თუმცა ყოფილმა მეუღლემ არ ისურვა დანაშაულის თანამონაწილე გამხდარიყო, მამაკაცს მანქანის საბარგულის გასაღები წაართვა, გოგონა გადმოიყვანა და სკანდალი მოაწყო.

შეშინებული მაქსიმოვი მანქანაში ჩაჯდა და სასწრაფოდ გაეცალა იქაურობას.
მომხდარიდან ზუსტად ნახევარ საათში კი ის დააკავეს.

დაკავებულმა განაცხადა, რომ მანიაკი არ არის, უბრალოდ, ფული სჭირდებოდა.

თუმცა ფულს, ალბათ, მისი ყოფილი ცოლი მიიღებს. გოგონას ოჯახმა განაცხადა, რომ მზად არის, ქალს, მილიონ 300 ათასი რუბლი გადაუხადოს, თუკი სასამართლო დაადგენს, რომ მომხდარში, მას მართლაც არანაირი ბრალი არ მიუძღვის.