საბერძნეთში ე.წ. კანონიერი ქურდები დააკავეს. ცნობილი ხდება, რომ მათ შორის არა ერთი ქართველია. ისინი საბერძნეთში ქურდულ შეკრებაში მონაწილეობის მიზნით ჩავიდნენ.

შედეგად, პოლიციის ხელში აღმოჩნდნა 20-მდე ე.წ. კანონიერი ქურდი. ესენი არიან მეტსახელებით ცნობილი: ტახი, ჩირუ, ნიკუ, გურამ კვეჟო და ვიტია პანა.

ბოლო პერიოდში საბერძნეთი ე.წ. კანონიერ ქურდთა აქტივობის ადგილად იქცა. ქვეყანაში მუდმივად იმყოფება ამ კასტის 30-დან 40-მდე წარმომადგენელი, რომლებიც მოლაპარაკებებს მართავენ, თუმცა, „მშვიდობიანი კონფერენციის“ ჩატარებას ყოველთვის რაღაც უშლის ხელს. როგორც ამ წრეში მიაჩნიათ, შეკრებები იშლება ერთ-ერთი დაჯგუფების მიერ, რადგან ფიქრობენ, რომ „სხადნიაკი“ მათთვის ცუდი შედეგით დასრულდება.

დაუზუსტებელი ცნობებით, საბერძნეთში დაკავებული ე.წ. კანონიერი ქურდები გელა ქარდავას ელოდებოდნენ, რომელიც ქურდული კლანების კონფლიქტში ერთ-ერთი ოდიოზური ფიგურაა.

ქარდავას წინა შეხევდრა ქუთაისელ ქურდებთან ჩხუბით დამთავრდა, ამ შეხვედრაზე კი კი მის ნაცვლად პოლიცია მივიდა.

Internet.ge